UI/UX Դիզայն

Այսօրվա արագ զարգացող թվային աշխարհում բիզնեսի հաջողության համար անհրաժեշտ է ունենալ ոչ միայն գեղեցիկ, այլև ֆունկցիոնալ ու օգտատերերի համար հարմարավետ ինտերֆեյս։ UI/UX դիզայնի մեր ծառայությունը ուղղված է ձեր վեբ կայքի կամ հավելվածի օգտագործելիության բարձրացմանը, ապահովելով անթերի և ներգրավող օգտատիրոջ փորձ։

UI (User Interface) դիզայնը պատասխանատու է կայքի կամ հավելվածի վիզուալ տեսքի, գույների, կոճակների (button) և ինտերֆեյսի դիզայնի բոլոր տարրերի համար, մինչդեռ UX (User Experience) դիզայնը կենտրոնացած է օգտատիրոջ ընդհանուր փորձառության վրա՝ ապահովելով ինտուիտիվ և հարմարավետ նավիգացիա։ Ճիշտ կառուցված UI/UX դիզայնը հնարավորություն է տալիս ստեղծել օգտագործման համար դյուրին և գրավիչ ինտերֆեյս և փորձառություն, բարձրացնել օգտատերերի ներգրավվածությունը, օգնել բիզնեսին աճել և ավելացնել վաճառքները, դարձնել այցելուներին իրական հաճախորդներ։

Մենք առաջարկում ենք ամբողջական UI/UX դիզայնի ծառայություններ, որոնք ներառում են հետևյալ փուլերը՝

• Հետազոտություն և մրցակցային վերլուծություն
  Մենք ուսումնասիրում ենք ձեր բիզնեսը, նպատակները, թիրախային լսարանը և մրցակիցներին՝ ապահովելու լավագույն հնարավոր լուծումները։
• Օգտատիրոջ ճանապարհային քարտեզ (User Flow) և Wireframe-եր
  Նախքան դիզայն ստեղծելը, մենք մշակում ենք օգտատիրոջ ճանապարհային քարտեզը՝ հստակեցնելու համար, թե ինչպես օգտատերերը տեղաշարժվելու կայքում։
• UI դիզայն և վիզուալ լուծումներ
  Հիմնվելով հետազոտության արդյունքների վրա՝ ստեղծում ենք աշխատող, պրոֆեսիոնալ և բրենդի ոճին համապատասխան ինտերֆեյս։
• UX թեստավորում և օպտիմալացում
  Մենք իրականացնում ենք UX թեստավորում՝ հայտնաբերելու և շտկելու ցանկացած խնդրահարույց հատված՝ ապահովելու սահուն օգտագործման փորձ։